कोकणी 'सिनेमा' दिनानिमित्त कार्यक्रमाचे आयोजन

सासष्टी: 24 एप्रिल या कोकणी सिनेमा दिनानिमित्त रविवारी दाल्गादो कोकणी अकादमीने मडगावच्या रवीन्द्र भवनच्या कृष्ण कक्षात खास चर्चासत्राचे आयोजन केले आहे. हा कार्यक्रम सकाळी 10 वाजता सुरु होणार आहे. ‘कोकणी सिनेमाची स्थित व भविष्य’ या विषयावर चर्चा होणार आहे. या चर्चा सत्रात आघाडीचे कोकणी निर्माते, दिग्दर्शक, कलाकार भाग घेणार आहेत. यात जितेंद्र शिकेरकर, सुरज केरकर, आंद्रे तेक्सेरा यांचा समावेश आहे. कोकणीतील पहिला सिनेमा ‘मोगाचो आंवडो’ होता. या सिनेमाची निर्मिती व दिग्दर्शन आंतोनियो लॉरेन्स जेरी ब्रागांझा यानी केले होते. हा सिनेमा 24 एप्रिल 1950 या दिवशी प्रदर्शित झाला होता. आंतोनियो ब्रागांझा यांना कोकणी सिनेमाचा जनक मानले जाते. या कार्यक्रमाला निर्माता व कलाकार राजेश पेडणेकर हे प्रमुख पाहुणे म्हणून उपस्थित राहणार आहेत.