Pay Parking Issue: कोलवा किनाऱ्यावर वाहन पार्किंगसाठी पर्यटन खात्याने शुल्क आकारण्याचे ठरविले असून कोलवा आणि बाणावली येथील नागरिकांनी या निर्णयाला विरोध केला आहे. कोलवा समुद्रकिनारी दुचाकी, चारचाकी, कार आणि मोटारसायकल पायलट दुचाकींसाठी ‘पे पार्किंग’ सुरू करण्याचा पर्यटन खात्याने निर्णय घेतला असून तशी अधिसूचना काढण्यात आली आहे.
मात्र, ती मागे घ्यावी अशी मागणी स्थानिकांनी केली. यावर निर्णय घेण्यासाठी स्थानिक पंचायतीने खास ग्रामसभा बोलावण्याचा निर्णय घेतला आहे.
कोलवा समुद्र किनाऱ्याला ‘आयकॉनिक बीच’चा दर्जा देण्यात आला असून या किनाऱ्यावर अनेक पर्यटक येत असतात.
स्थानिक लोक आणि व्यावसायिकांनी शॅकमालक आणि वॉटर स्पोर्ट्समध्ये गुंतलेल्या स्थानिक व्यवसायांवर ‘पे पार्किंग’चा होणारा संभाव्य नकारात्मक परिणाम तसेच प्रतिष्ठित कोलवा बीचला भेट देणारे पर्यटक आणि स्थानिक दोघांची गैरसोय यावर आज त्यांनी प्रकाश टाकला.
हा निर्णय घेण्यापूर्वी पर्यटन खात्याने स्थानिकांना विश्वासात घेण्याची गरज होती. पर्यटन खात्याला महसूल हवा म्हणून त्यांनी स्थानिकांना वेठीस धरणे योग्य नव्हे.
- व्हेंझी व्हिएगस, आमदार
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
