दोनच दिवसांपूर्वी पणजीत स्मार्ट सिटीच्या सुरु असलेल्या खोदकामात रहस्यमय मूर्ती आढळून आली, त्यानंतर आता आणखी एक रहस्यमय मूर्ती सापडली आहे. त्यामुळे राजधानी पणजीच्या पोटात दडलंय तरी काय - काय असे म्हटंल तर वावगं ठरणार नाही.
पणजीत सध्या स्मार्ट सिटीची कामे जोमात सुरु आहेत. भूमीगत कामांसाठी विविध भागात खोदकाम सुरु आहे. मंगळवारी खोदकाम सुरु असताना हिंदू फार्मसीजवळ एक पुरातण मूर्ती आढळली. त्यानंतर दोनच दिवसांनी आता आणखी एक मूर्ती सापडली असून, ही मूर्ती कोणती आहे याबाबत अद्याप माहिती समोर आलेली नाही.
हिंदू फार्मसीजवळ सापडलेल्या मूर्तीचे आचारसंहिता संपल्यानंतर तज्ज्ञांमार्फत संशोधन केले जावे, याबाबत पत्र पाठवले जाणार आहे, असे पुरातत्व खात्याचे संचालक नीलेश फळदेसाई म्हणाले.
पणजीत यापूर्वी सापडलेल्या मूर्तीसारखी एक मूर्ती शिरदोणमध्येही सापडली होती. दरम्यान, पणजीतील मूर्ती बाबत विविध तर्कवितर्क मांडले जात असून, कोण ती कंदब काळातील तर कोणी ती पोर्तुगीज काळातील मूर्ती असल्याचे सांगत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
