पर्वरी: सलग नवव्या वर्षी गोव्यातील संजय सेंटर फॉर स्पेशल एज्युकेशनचा 100 % निकाल लागला आहे. संजय सेंटर फॉर स्पेशल एज्युकेशनचे पर्वरी, वास्को आणि कुडचडे या तीन केंद्रातून एकूण 49 विशेष विद्यार्थी यंदाच्या दहावीच्या परीक्षेला बसले होते. ( One hundred percent result of Sanjay School )
संजय सेंटर फॉर स्पेशल एज्युकेशनच्या पर्वरी केंद्रातून 30 विशेष विद्यार्थ्यांनी दहावीची परीक्षा दिली होती. तनिष्का जी. रामास्वामी या विद्यार्थिनीने 90 % गुण मिळवून प्रथम क्रमांक पटकावला आहे तर निकेश थापा याने 83. 33 टक्के गुण मिळवून दुसरा क्रमांक पटकावला आहे. गिब्सन क्लाइव्ह डिसोझा याने 86.67 टक्के गुण मिळवून तिसरा क्रमांक पटकावला आहे. उर्वरित विद्यार्थी 60 ते 80 टक्के मिळवून उत्तीर्ण झाले आहेत.
संजय सेंटर फॉर स्पेशल एज्युकेशन-वास्को केंद्रातून सहा विशेष विद्यार्थी परीक्षेत बसले होते. शामस बी. परिषवाडी या विद्यार्थिनीने 81.5 टक्के मिळवून प्रथम क्रमांक पटकावला आहे तर आकाश हरिजन याने 81 % टक्के मिळवून दुसरा क्रमांक पटकावला आहे. अर्जुन पाटील याने 76 टक्के मिळवून तिसरा क्रमांक पटकावला आहे.
संजय सेंटर फॉर स्पेशल एज्युकेशन-कुडचडे केंद्रातून 13 विशेष विद्यार्थी परीक्षेत बसले होते. त्यात मुतादिर शेख याने 96.83 % मिळवून प्रथम आला आहे तर अनायझा रॉड्रिग्स 93.67 % सह द्वितीय आली आहे. अब्दुलगनी शेख याने 93.33 % मिळवून तिसरा क्रमांक पटकावला आहे.
गुरुप्रसाद पावसकर, राज्य दिव्यांगजन आयुक्त, संजय सेंटर फॉर स्पेशल एज्युकेशन गोवा, पर्वरीच्या सदस्य सचिव नीतल आमोणकर आणि दिलीप मोरजकर, संजय सेंटर फॉर स्पेशल एज्युकेशन गोवाचे प्रशासन व लेखाधिकारी यांनी 100 टक्के निकाल लागल्याबद्दल संजय स्कूलचे मुख्याध्यापक तातू कुडाळकर, शिक्षक आणि विद्यार्थ्यांचे अभिनंदन केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
