कळंगुट रेस्टॉरंट तोडफोड प्रकरणी एकाला 'जामीन'

पणजी: कळंगुट येथील सोझा पॉल रेस्टॉरंट तोडफोडप्रकरणी संशयित गजेंद्र सिंग ऊर्फ छोटू याचा जामीन अर्ज मुंबई उच्च न्यायालयाच्या गोवा खंडपीठाने फेटाळला तर सुनिल भोमकर याने अर्ज मागे घेतला. या दोघांच्या अर्जावरील सुनावणी पूर्ण होऊन त्यावर आज निकाल देण्यात आला. निकाल देण्यापूर्वी खंडपीठाने अर्ज फेटाळण्यात येत असल्याचे संकेत दिले. त्यामुळे जर त्यांना ते मागे घ्यायचे असल्यास ते घ्यावेत, अशी संधी दिली होती

या प्रकरणातील इतर काही संशयित अजूनही फरारी आहेत. क्राईम ब्रँचने या आरोपपत्र सादर केले आहे मात्र पूर्ण तपास झालेला नाही. या प्रकरणातील पुरवणी आरोपपत्र फरारी संशयितांना अटक केल्यानंतर सादर केले जाणार आहे. या प्रकरणातील दोघे संशयित वगळल्यास इतर अटक झालेले संशयित जामिनावर आहेत. या घटनेमागील हे दोघे संशयित मुख्य सूत्रधार असल्याने त्यांना जामीन मिळाल्यास फरारी संशयितांचा शोध घेणे कठीण होणार असल्याची बाजू मांडण्यात आली होती. म्हापसा अतिरिक्त सत्र न्यायालयाने या दोघांचा दोनवेळा जामीन फेटाळला आहे. या रेस्टॉरंट तोडफोडप्रकरणीचा तपास सुरू असताना संशयितांनी जलदगती न्यायालयात जामिनासाठी अर्ज केला होता.