गोवा: राज्यात गुन्हेगारीचं सत्र वाढतच आहे. रवी शिरोडकर यांच्या हत्येचा प्रयत्न केल्याप्रकरणी एटीएसने दोडामार्ग येथील रिसॉर्टमधून ब्रिजेश सावंत या आरोपीला अटक केली आहे. मनोजच्या सांगण्यावरुनच शिरोडकर यांच्यावर प्राणघातक हल्ला केला, असे अधीक्षक दळवी यांनी सांगितले.
(One arrested from Dodamarg in connection with attack on Ravi Shirodkar)
रवी शिरोडकर हल्ला प्रकरणी; 5 संशयितांना अटक
रवी शिरोडकर हल्लाप्रकरणी हणजुण पोलिसांनी आंबोली (महाराष्ट्र) येथे दडून बसलेल्या आणखी पाच आरोपींना सापळा रचून अटक केली. आतापर्यंत या प्रकरणात अटक करण्यात आलेल्यांची संख्या आकरावर गेली आहे. म्हापसा पोलिसांनी प्रकरणातील संशयितांची माहिती देण्याकरिता आज पत्रकार परिषद घेतली. यावेळी उप अधीक्षक जीवबा दळवी, पोलिस निरीक्षक प्रशाल देसाई, उप निरीक्षक साहिल वरक उपस्थित होते.
या संशयितांना अटक करण्यात आली आहे.
आतापर्यंत टार्जन पार्सेकर,(हडफडे), शैलेश चंदु नाईक, (कामुर्ली-बार्देश), सिद्धांत सुर्यकांत मांद्रेकर (गोलेतीवाडा-साळगाव), अमन रोहिदास शिरोडकर (निगवाडा-साळगाव), प्रशांत दासा राजू (परप्रांतीय, सध्या रा.नागवा), राजेश उर्फ वुडू केरकर (मरड-साळगाव) सागर पाटील, साहिल पेडणेकर, सागर वावलापी (परप्रांतीय, सध्या रा.कांदोळी), श्रेणीत साखळकर (साळगाव) या संशयितांना अटक करण्यात आली आहे.
मनोजच्या सांगण्यावरुनच हल्ला-
या हल्ल्यामागचा मुख्य सुत्रधार कुख्यात गुन्हेगार गजेंद्र सिंग उर्फ छोटु (सध्या तुरुंगात असलेला) याचा छोटा भाऊ मनोज सिंग याचा प्रत्यक्ष सहभाग असल्याचे पोलिस तपासात उघड झाले आहे. त्यामुळे सध्या हणजुण पोलिस त्याच्या मागावर आहेत. हल्ल्याच्या वेळी मनोज सिंग संशयित टार्जन पार्सेकर यांच्या गाडीत होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
