Mapusa Women Stuck in Lift: म्हापशातील एका बहुमजली इमारतीच्या लिफ्टमध्ये एक 40 वर्षीय महिला अडकल्याची घटना उघडकीस आली आहे.
ही महिला जवळपास एक तास लिप्टमध्ये अडकली होती. या घटनेची माहिती मिळताच म्हापशा अग्निशमक दालाच्या जवानांनी घटनास्थळी दाखल होत बचावकार्य केले.
याबाबत अधिक माहिती अशी की, म्हापशातील एका बहुमजली इमारतीतील लिफ्ट बंद पडल्याने लिफ्टमध्ये एक 40 वर्षीय महिला अडकल्याची घटना आज घडली. इमारतीची विज गेल्याने ही लिफ्ट बंद पडली. या बहुमलजली इमारतीच्या सहाव्या मजल्यावर लिफ्टमध्ये महिला तब्बल एक तास अडकली होती.
सदर महिला या इमारतीमध्ये मोलकरीण म्हणून काम करते. या घटनेची माहिती मिळताच म्हापशा अग्निशामक दालाचे जवान घटनास्थळी दाखल झाले. जवानांनी बचाव मोहिम राबवत तब्बल एक तासानंतर महिलेला लिफ्टमधून बाहेर काढले.
दरम्यान, या बहुमजली इमारतीत वीज गेल्यास लिफ्ट चालू राहण्यासाठी इन्व्हर्टर किंवा जनरेटरची पर्यायी तरतूद नाही आहे अशी माहिती तेथील स्थानिकांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.