वाळपई गेल्या एक वर्षापासून गाजत असलेल्या वाळपई नगरपालिका क्षेत्रातील प्रभाग 9 मधील म्हाऊस मार्गावरील मुबारक अली खान यांच्या बेकायदेशीररीत्या बांधलेल्या बंगल्यावर मंगळवारी (ता.१२) अखेर वाळपई नगरपालिकेने धडक कारवाई करत बंगल्यावर बुलडोझर फिरविण्यास सुरवात केली आहे.
उच्च न्यायालयाच्या आदेशानुसार मंगळवारी सकाळपासून बंगला पाडण्याची कारवाई करण्यात आली. गेल्या एक वर्षापासून हा बंगला पाडण्यासाठी तीनवेळा कारवाई झाली होती. मात्र, अनेक घडामोडीनंतर मंगळवारी प्रत्यक्षात या कारवाईला सुरवात झाली.
सकाळच्या सत्रात खान कुटुंबीयांनी बंगल्यातील साहित्य बाहेर काढले नव्हते. मात्र, बंगल्यात साहित्य असतानाच दुसऱ्या बाजूने तो पाडण्यास सुरुवात केली. त्यानंतर साहित्य बाहेर काढल्यावर दुपारी ३ वा.च्या सुमारास कारवाई करताना बुलडोझर फिरविण्यास सुरवात करण्यात आली.
यावेळी मुख्याधिकारी सूर्याजीराव राणे, संयुक्त मामलेदार सुरेंद्र गावकर, पालिका अभियंता हरिष, वाळपई पोलिस निरीक्षक राहुल नाईक तसेच पालिकेतील कर्मचारी व मोठ्या प्रमाणात पोलिस तैनात करण्यात आले होते. अखेर शांततेत कारवाईला सुरवात झाली.
4 ते 5 दिवसांत बंगला जमीनदोस्त
गेल्या एक वर्षापासून हे प्रकरण गाजत असून अनेकवेळा बंगला पाडण्याचा आदेश जारी करूनही पुन्हा पुन्हा त्याला स्थगिती मिळत होती. मात्र, मंगळवारी उच्च न्यायालयाच्या आदेशानुसार बंगला पाडण्यास सुरवात करण्यात आली. आणखी 4 ते 5 दिवसांत बंगला जमीनदोस्त केला जाणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
