Old Goa Police : ओल्ड गोवा येथून बेपत्ता झालेल्या अल्पवयीन मुलाचा शोध घेण्यात ओल्ड गोवा पोलिसांना यश आले आहे. झाशी येथे रेल्वे पोलिस दलाच्या मदतीने ओल्ड गोवा पोलिसांनी ही मोहिम राबवली. 14 वर्षीय मुलाला सुरक्षितपणे त्याच्या पालकांच्या ताब्यात देण्यात आले आहे.
पोलिसांनी दिलेल्या माहितीनुसार, भाड्याच्या खोलीतून अल्पवयीन मुलगा बेपत्ता झाल्याची तक्रार ओल्ड गोवा पोलिसांत 6 ऑगस्ट रोजी दाखल करण्यात आली. तक्रारीच्या आधारे पोलिसांनी वेगवेगळ्या टीमसह शोधमोहीम राबिवली परंतु कोणताही सुगावा लागला नाही.
विश्वासार्ह माहिती मिळाल्यानंतर पोलिसांचे पथक यूपीतील झासी येथे पाठवण्यात आले. 14 वर्षीय अल्पवयीन मुलगा बिहार या ट्रेनमध्ये प्रवास करताना सापडला. झाशी येथे रेल्वे पोलिस दलाच्या मदतीने त्याची झांशी येथे सुटका करण्यात आली. 12 ऑगस्टला ट्रेनने अल्पवयीन मुलाला गोव्याला आणण्यात आले व सुरक्षितपणे त्याच्या पालकांच्या ताब्यात देण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.