Action Against Encroachment in Old Goa: राज्यात17 ते 19 एप्रिल दरम्यान ‘जी-20’ परिषदेच्या बैठका होणार आहे. याकरिता राज्यातील रस्ते आणि परिसराचे सौंदर्यीकरण सुरू आहे.
या पार्श्‍वभूमीवर रस्त्याच्या बाजूला बेकायदेशीरपणे उभे केलेले गाळे आणि अतिक्रमण हटवण्याचा आदेश जिल्हाधिकाऱ्यांनी नगरपालिका आणि पंचायतीना दिला आहे. त्याअनुषंगाने जुने गोवे येथील अवैध गाळे काढण्यात आले आहेत.
मुख्यसचिव, जिल्हाधिकारी आणि संबंधित अधिकाऱ्यांनी गोमेकॉ येथे करण्यात आलेल्या अतिक्रमणाचे निरीक्षण केले होते. त्यानुसार जिल्हाधिकारी आणि गट विकास अधिकारी (बीडीओ) यांनी अतिक्रमण हटवण्याचे आदेश दिले आहे.
14 एप्रिलपर्यंत बेकायदेशीररीत्या अतिक्रमण केलेल्या गाळे आणि व्यवसायिकांना हटवण्याचे सक्त निर्देश पालिका आणि पंचायतींना दिले आहे.
वाहतुकीला समस्या
गोमेकॉच्या सुपर स्पेशलिटी विभागाच्या इमारतीच्या समोरील अतिक्रमण केलेले गाळे हटवण्यासाठी अधिकाऱ्यांनी निरीक्षण केले आहे. ‘जी-20’ परिषद होणार असून गाळे रस्त्याच्या बाजूला असल्याने वाहतुकीला समस्या निर्माण होत आहे.
अनेकांनी आपले गाळे हटवले आहे. काही जणांचे गेल्या 30 वर्षांपासून गाळे येथे आहे. परंतु जिल्हाधिकाऱ्यांनी आदेश दिल्याने पंचायत त्यात काहीही करू शकत नाही.
सँड्रा गोन्साल्विस, सरपंच, जुने गोवे
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
