आज दुपारपासूनच उष्म्याचे प्रमाण वाढले होते. दोन दिवसांपूर्वीही रात्रीच्यावेळी मुसळधार पाऊस पडला होता. एक दिवसाची विश्रांती घेऊन आज गुरुवारी पुन्हा पाऊस दाखल झाला. हवामान खात्याने यापूर्वीच अवकाळी पावसाची सूचना दिली होती. पणजी बसस्थानक परिसर सखल भाग असल्याने क्रांती सर्कल आणि स्थानकाच्या आतील बाजूस पाणी साठले होते. जोरदार वाऱ्यामुळे काही दुकानांबाहेर उभारलेले तात्पुरते शेड मोडून पडल्याचे दिसून आले. तसेच झाडांच्या फांद्याही तुटून पडल्याचे प्रकार घडले.
माशेल येथे भाविक अडकले
माशेल येथे वीज पुरवठा खंडित झाला. वादळामुळे बाजारातील दुकानांचे पत्रे उडून गेले. तसेच बाजारहाट करण्यासाठी आलेले लोक अडकून पडले. येथील विठ्ठल मंदिरात पालखी उत्सव होता. या सोहळ्यासाठी लोकांनी मोठी गर्दी केली होती. अचानक आलेल्या पावसामुळे तसेच वीज खंडित झाल्याने भाविकांची तारांबळ उडाली. रात्री उशिरापर्यंत पावसाची रिपरिप सुरू होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
