हिंदूंविषयी अपमानास्पद धार्मिक पोस्ट केल्याप्रकरणी गोव्यातील जुळ्या बहिणींविरोधात गुन्हे शाखेने गुन्हा दाखल केला आहे. शाझिया आणि राबिया या जुळ्या बहिणींना पणजी प्रधान सत्र न्यायालयाने सशर्त अटकपूर्व जामीन मंजूर केला आहे.
संशयितांना तपासात सहकार्य करणे तसेच, तपास अधिकाऱ्यांच्या परवानगीशिवाय गोव्याबाहेर न जाण्याची अट त्यांच्यावर घालण्यात आली आहे.
उत्तर प्रदेशमध्ये कुख्यात गुंड अतिक अहमद याच्या हत्तेनंतर दोघींनी हिंदूविरोधी पोस्ट इन्स्टाग्रामवर केल्याचा आरोप त्याच्यावर करण्यात आला आहे. या प्रकरणी एकाने ट्विट करून याबाबत माहिती दिली होती. याची तात्काळ दखल घेत गोवा पोलिसांनी दोघींच्या इन्स्टाग्राम खात्याविरोधात गुन्हा दाखल केला होता.
दरम्यान, पणजी येथील उत्तर गोवा जिल्हा व सत्र न्यायालयाने जुळ्या बहिणींना अटक केल्यास प्रत्येकी दहा हजार रूपयाची हमी आणि तितक्याच रकमेचा एक हमीदार व इतर अटीवर अटकपूर्व जामीन मंजूर केला आहे. यात तपास अडथळ न आणणे तसेच, परवानगीशिवाय गोव्याबाहेर न जाणे अशा अटी आहेत.
दोघींनी उत्तर गोवा जिल्हा व सत्र न्यायालयात अटकपूर्व जामीन मिळण्यासाठी अर्ज दाखल केला होता. दरम्यान, काही दिवसांपूर्वी गुन्हे शाखेने समन्स बजावून त्यांना चौकशीसाठी हजर राहण्यास सांगितले होते. दोघींही चौकशीसाठी हजर राहिल्या होत्या.
जुळ्या बहिणींनी आक्षेपार्ह पोस्ट केल्यानंतर त्यांच्याविरोधात सोशल मिडियावर लोकांना तीव्र हरकत घेतली होती. एका याप्रकरणाची दखल घ्यावी अशी विनंती गोवा पोलिसांनी केली, त्यांनतर त्यांच्याविरोधात गुन्हा दाखल झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.