मयडे सरपंचांविरोधात अविश्‍वास ठरावाची नोटीस

म्हापसा: मयडे पंचायतीच्या सरपंच रिया बेळेकर आणि उपसरपंच ओस्वाल्ड कोर्देरो यांच्या विरोधात पंचायतीच्या सातपैकी चार पंचायत सदस्यांनी अविश्‍वास ठरावाची नोटीस दिली आहे.

उपलब्ध माहितीनुसार या पंचायतीवर सत्तास्थापनेसाठी आपचे स्थानिक नेते प्रयत्नशील आहेत. त्या अनुषंगानेच या राजकीय घडामोडी घडलेल्या आहेत. विधानसभा निवडणुकीचा परिणाम आता पंचायत पातळीवरील राजकारणावरही होत असल्याचे त्यामुळे दिसून येते. या नोटिसीवर महेश साटेलकर, सूर्यकांत भाटलेकर, लवू ठाकूर व पूजा च्यारी या सदस्यांच्या सह्या आहेत. ही नोटीस म्हापसा येथील गट विकास अधिकारी कार्यालयाला सादर करण्यात आली आहे.