Goa Police: केवळ जनसंपर्क अधिकारीच नव्हे तर पोलिस अधीक्षक आणि वरिष्ठ पोलिस अधिकारीही गुन्हयांबाबतची माहिती प्रसारमाध्यमांना देऊ शकतात. कुणालाही अडवलेले नाही, असे स्पष्टीकरण, पोलिस महासंचालक जसपाल सिंग यांनी दिले आहे.
गुन्ह्यांबाबतची माहिती प्रसारमाध्यमांना देण्यास पोलिसांकडून टाळाटाळ केली जात असल्याचा अनुभव पत्रकाराना येत होता. त्यावर पोलिस मुख्यालयातूनच तसा आदेश काढला गेल्याची चर्चा सुरू झाली होती.
हे सर्वोच्च न्यायालयाच्या आदेशाचे उल्लंघन असल्याचे काही पत्रकारांनी निदर्शनास आणून दिले होते.
संबंधित पत्रकात केवळ जनसंपर्क अधिकारीच माहिती देतील, असे बजावण्यात आले होते. केवळ पोलिसांच्या यशाच्याच बातम्या पोलिसांकडून दिल्या जात होत्या. तथापि, बलात्काराच्या गुन्ह्यातील माहिती देण्यास टाळाटाळ केली जात होती.
पोलिसांच्या या कृतीचा काँग्रेसतर्फे निषेधही करण्यात आला होता.
दरम्यान, पोलिस महासंचालक जसपाल सिंग यांनी म्हटले आहे की, पीआरओ नियुक्त केला म्हणजे त्यांनीच सर्व माहिती द्यावी, असे नाही. पोलिस अधीक्षक, वरिष्ठ पोलिस अधिकारी प्रसारमाध्यमांना माहिती देऊ शकतात.
कुणालाही माहिती देण्यास मज्जाव केलेला नाही. पीआरओ नियुक्ती पत्रकारांच्याच आग्रहावरून केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
