Cuchelim: कुचेलीतील बेकायदा बांधकामांना नोटिसा! उत्तर देण्यासाठी 15 दिवसांची मुदत

Cuchelim Illegal House Notice

म्हापसा: उत्तर गोवा कोमुनिदाद प्रशासक पांडुरंग गाड यांनी खडपावाडा, कुचेली कोमुनिदादच्या १.४३ चौरस मीटर जमिनीवरील बेकायदा बांधकाम करणाऱ्यांना कारणे दाखवा नोटीस बजावली आहे. सूत्रांनी माहिती दिली कीत, दफनभूमीसाठी संपादित केलेल्या जमिनीसह संपूर्ण कोमुनिदाद जमिनीवर अशी सुमारे १४० बांधकामे बांधण्यात आली आहेत.

या अनुषंगाने पीटी शीट क्र. १मधील चलता क्र. १०/३ मधील ५३,३२५ चौ.मीटर जागेत तसेच पीटी शीट क्र. २च्या चलता क्र. ११/१च्या ९०,८०० चौ.मीटर जमिनीवर बेकायदा बांधकाम करुन उल्लंघन केल्याचे म्हटले आहे. त्यानुसार, कोमुनिदादच्या उत्तर विभागाचे प्रशासक पांडुरंग गाडा यांनी सर्व रहिवाशांना कारणे दाखवा नोटीस बजावली आहे. त्यानुसार,

संबंधितांवर कारवाई का करु नये, याचे उत्तर १५ दिवसंत द्यावे. संबंधितांनी अतिक्रमण करुन या जागेत घरे बांधली आहेत.

गाड पुढे म्हणाले की, जर दिलेल्या मुदतीत उत्तर देऊ शकला नाही, तर प्रकरण एकतर्फी ठरवले जाईल. दरम्यान, गेल्या आठवड्यात

सरकारने स्मशानभूमीच्या उद्देशाने संपादित केलेल्या कुचेली कोमुनिदाद जमिनीवर बांधलेल्या सुमारे ३२ बेकायदेशीर बांधकामे पाडण्यात आली होती.