Nilesh Cabral राज्यातील किनारपट्टी भागात मोठ्या प्रमाणावर ध्वनी प्रदूषणाच्या तक्रारी येत आहेत. यावर नियंत्रण ठेवण्यासाठी लवकरच तेथे ध्वनी प्रदूषण मोजण्याची यंत्रणा बसविण्यात येईल, अशी माहिती पर्यावरणमंत्री नीलेश काब्राल यांनी दिली.
आज कुडचडे, दूधसागर, कोलवासह बागा येथे धूळ व ध्वनी प्रदूषण चाचणी नियंत्रण करणारी यंत्रे बसविण्यात आली आहे. याद्वारे येथे होणारे प्रदूषण लोकांना बघता येणार असल्याचे त्यांनी सांगितले.
कुडचडे रवींद्र भवनमध्ये आयोजित ध्वनी आणि धूळ प्रदुषण मापक यंत्रे कार्यान्वित कार्यक्रमाला नगराध्यक्ष जास्मीन ब्रागांझा, प्रदूषण नियंत्रण मंडळाचे अध्यक्ष महेश पाटील, शर्मिला मोंतेरो, नगरसेवक प्रदीप नाईक, जेएसडब्ल्यूचे कॅ. अनुराग भाऊलीवल आदी उपस्थित होते.
खाण भागात धूळ आणि ध्वनी प्रदूषण यंत्रे, तर किनारपट्टीत ध्वनी मापक यंत्रे यंत्रे बसविण्याचे काम हाती घेण्यात येणार आहे, असे यावेळी सांगण्यात आले.
सभागृह मालकांनी घ्यावेत दाखले
लग्न समारंभावेळी उपजिल्हाधिकारी व उत्पादन शुल्क विभागाकडून ध्वनी यंत्रणा बसविण्यासाठी, मद्य वापर करण्यासाठी ना हरकत दाखले घ्यावे लागतात. यावर सुद्धा आता सरकार गंभीरपणे विचार करीत आहे.
भविष्यात लग्न समारंभ आयोजित होणारी स्थळे, सभागृह मालकांनीच ना हरकत दाखले पूर्वीच घ्यावेत. जेणेकरून आयोजकांचा वेळ वाचेल. दाखले नसल्यास ध्वनीयंत्रे, मद्याचा वापर करता येणार नाही, असे मंत्री काब्राल म्हणाले.
राज्यात आता खाण व्यवसाय सुरू होणार आहे. त्यावेळी धूळ व ध्वनी प्रदूषण किती होते, ते या यंत्रामुळे अचूक कळणार आहे. त्यामुळे त्यावर उपाययोजना करण्यास मदत होईल.
- नीलेश काब्राल, पर्यावरणमंत्री
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.