Goa Education Department: ‘ॲक्सिस’ची सक्ती घेतली मागे; गुरुदक्षिणा योजनेबाबत निर्णय

मुख्यमंत्री गुरुदक्षिणा योजनेसाठी ॲक्सिस बँकेतच खाते उघडण्याची सक्ती राज्यातील अनुदानित शिक्षण संस्थांना शिक्षण खात्याकडून करण्यात आली होती. मात्र, आता सरकारने हा निर्णय मागे घेतला असून ॲक्सिस बँकेत खाते हा एक पर्याय आहे.

अनुदानित शिक्षण संस्था कोणत्याही बँकेत खाते उघडू शकतात, असे परिपत्रक शिक्षण संचालक शैलेश झिंगडे यांनी जारी केले आहे.

शिक्षण खात्याने हा निर्णय जेव्हा जाहीर केला, त्यावेळी विरोधकांनी त्याला कडाडून विरोध केला होता. त्याची दखल सरकारने घेतली.