Canacona News: तळपण, गालजीबाग नदीची पात्रं होणार गाळमुक्त

NIOT Meeting At Paingin: पैंगीणमध्ये आयोजित वैज्ञानिकांच्या बैठकीत स्पष्टीकरण
NIOT Meeting At Paingin: पैंगीणमध्ये आयोजित वैज्ञानिकांच्या बैठकीत स्पष्टीकरण
Paingin Meeting Dainik Gomantak

तळपण, गालजीबाग नदीचे पात्र गाळ मुक्त करण्यात येणार असून किनाऱ्यांची धूपही रोखण्यात येणार आहे. त्याबाबत उपाययोजना केल्या जातील, असे वैज्ञानिकांनी पैंगीण येथे घेतलेल्या बैठकीत स्पष्ट केले.

चेन्नई येथील राष्ट्रीय समुद्र विज्ञान तंत्रज्ञान संस्थेच्या सहकार्याने जलस्रोत खात्याने राष्ट्रीय जल विज्ञान प्रकल्पा अंतर्गत तळपण किनारा व नदीचे खोरे व्यवस्थापनासंदर्भात शुक्रवारी महालवाडा, पैंगीण येथील आपत्ती व्यवस्थापन आसरा सभागृहात स्थानिक रहिवासी व सरपंच, पंचांची बैठक घेतली. यावेळी तज्ज्ञांनी किनारा व नदी पात्राच्या संरक्षणासाठी तयार केलेला आराखडा चलचित्राद्वारे उपस्थितांसमोर सादर केला. त्यानंतर त्याविषयी सविस्तर माहिती दिली.

सरपंच सविता तवडकर, उपसरपंच सुनील पैंगणकर, पंच प्रवीर भंडारी, अस्मिता जोशी, पैंगीण जैवविविधता समितीचे अध्यक्ष सुभाष महाले यांनी वैज्ञानिकासमवेत तळपण किनारा व नदीच्या मुखाकडील पात्रांची पाहाणी केली.

राज्यातील ९० टक्के किनाऱ्याची झीज झाली आहे. तळपण किनाऱ्याची ३४ टक्के झीज झाली आहे. याला वेगवेगळी कारणे आहेत. त्यात वादळे, त्सुनामी, हवामान बदल तसेच मानवनिर्मित कारणे जबाबदार आहेत.

तळपण किनाऱ्याची झीज रोखण्यासाठी किनाऱ्यावर संरक्षक भिंत उभारणे, वृक्षांची लागवड व नैसर्गिक झाडे वाढण्यास अनुकूल परिस्थिती निर्माण करणे किंवा दोन्ही पर्यायाने मिश्रण करून उपाय योजना तयार करणे शक्य असल्याचे चेन्नई येथील राष्ट्रीय समुद्र विज्ञान तंत्रज्ञान संस्थेचे वैज्ञानिक अरुण कुमार यांनी सांगितले.

NIOT Meeting At Paingin: पैंगीणमध्ये आयोजित वैज्ञानिकांच्या बैठकीत स्पष्टीकरण
Canacona News: गालजीबाग येथील पर्यावरणास घातक प्रकल्प रोखा! स्थानिक आक्रमक

‘बेसाल्ट’ची भिंत

१९९२ मध्ये तळपण किनाऱ्याची झीज रोखण्यासाठी बेसाल्ट दगडांची भिंत उभारण्यात आली, मात्र ती खचू लागली आहे. उर्वरीत किनाऱ्यावरही भिंत उभारण्याची मागणी रहिवाशांनी केली होती, मात्र ही निविदा स्विकारण्यास कोणीच पुढे येत नसल्याचे स्थानिकांनी यावेळी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com