Illegal Stay In Goa: बेकायदा वास्तव्याप्रकरणी नायजेरियन नागरिकास अटक

Illegal Stay In Goa राज्यात बेकायदा वास्तव केल्याप्रकरणी साळगाव पोलिसांनी संशयित किंग्स्ले इचेझोना (32) या नायजेरियन नागरिकास अटक केली. मुड्डावाडा साळगाव येथे एक नायजेरियन नागरीक बेकायदेशीररित्या राज्यात वास्तव करीत असल्याची माहिती विश्वसनिय सूत्रांकडून पोलिसांना मिळाली होती. त्यानुसार पोलीस पथकाने संशयिताच्या भाड्याच्या खोलीवर छापा टाकून त्याला पकडले.

झडतीवेळी संशयिताकडे व्हिसा नसल्याचे आढळून आले. त्यानंतर पोलिसांनी संशयिताला राज्यात बेकायदेशीररित्या वास्तव केल्याच्या देशी विदेशी कायद्याअंतर्गत गुन्हा नोंदवून त्यास अटक केली. संशयित किंग्स्ले इचेझोना यांच्याविरोधात ड्रग्ससंदर्भांतील दोन, फसवणूकीचा आणि बनावटगिरी, असे एकूण चार गुन्हे विविध पोलीस स्थानकात नोंद आहेत.

पोलीस निरीक्षक मिलिंद भईंबर यांच्या मार्गदर्शनाखाली उपनिरीक्षक नवनीत गोलतेकर, निलम गावस, कॉन्स्टेबल सर्वेश गावस, वैभव आरोंदेकर व योगेश तारी या पथकाने ही कामगिरी केली.