Landslide In Goa: पुन्‍हा दरड कोसळली! राष्ट्रीय महामार्ग बंद

National Highway 66: दुसऱ्यांदा मोठी दरड कोसळून महामार्ग पूर्णत: बंद झाला
National Highway 66: दुसऱ्यांदा मोठी दरड कोसळून महामार्ग पूर्णत: बंद झाला
Goa NH 66 LandslideDainik Gomantak

पेडणे तालुक्‍यातील न्‍हयबाग-मालपे येथील राष्ट्रीय महामार्ग ६६ वर आज (मंगळवारी) सकाळी दुसऱ्यांदा मोठी दरड कोसळून महामार्ग पूर्णत: बंद झाला. त्‍यामुळे या मार्गावरील वाहतूक जुन्या रस्त्यानेच वळविण्यात आली आहे.

मालपे व न्‍हयबाग या दोन्ही बाजूंनी मोठ्या चढणी आहेत. वाहनांना विशेषत: अवजड वाहनांना त्या त्रासदायक ठरतात. तसेच नागमोडी रस्त्याचे अंतर कमी करण्यासाठी हा चौपदरी बगलमार्ग निर्माण करण्यात आला आहे.

या महामार्गाचे कंत्राट एमव्हीआर इन्फ्रा प्रोजेक्टस प्रायव्हेट लिमिटेड या कंपनीकडे आहे. सुमारे अडीच ते तीन किलोमीटर अंतराचा नवीन बगलमार्ग बांधण्यात आला. मार्च-एप्रिलमध्ये हा रस्ता वाहतुकीसाठी खुलाही करण्यात आला. या नवीन मार्गामुळे दोन्ही बाजूंच्‍या चढावामुळे होणारे त्रास वाचले, तसेच पूर्वीच्या रस्त्यापेक्षा सुमारे दोन किलोमीटर अंतर कमी झाले.

पण या नवीन बगलमार्गासाठी दोन्ही बाजूंनी कापलेले डोंगर थेट उभे कापले आहेत. ते निमुळते कापणे गरजेचे होते. पण तसे न झाल्‍याने येथे दरडी कोसळण्‍याचे सत्र सुरू आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com