Goa Police Constable: दिल्लीत ट्रेनिंगसाठी गेलेले गोव्यातील पोलिस कॉन्स्टेबल पडले आजारी; 'हे' कारण आले समोर

Goa Police Constable: प्रशिक्षणासाठी दिल्लीत नव्याने भरती झालेले काही पोलीस हवालदार तिथल्या अस्वच्छ परिस्थिती आणि प्रदूषित पाणीपुरवठ्यामुळे आजारी पडल्याची माहिती समोर आली आहे. या संदर्भात पोलीस महासंचालक जसपाल सिंह यांनी या गोष्टीची दाखल घेतली आहे.

ते म्हणाले की, सुरुवातीला कोणतीही व्यक्ती जेव्हा आपल्या घरच्या वातावरणापासून जेव्हा लांब जाते, तेव्हा तिथे त्यांना अनेक समस्यांचा सामना करावा लागू शकतो. प्रामुख्याने जेव्हा नवीन भरती झालेले पोलिस हवालदार किंवा अधिकारी रेजिमेंटेड वातावरणात प्रशिक्षणासाठी जातात तेव्हा त्यांना प्रतिकूल परिस्थिती अनुभवायला मिळते.

यावर पोलिस महानिरीक्षक ओमवीर सिंग हे दिल्लीत गेले असून ते या विषयावर दिल्ली पोलीस अधिकाऱ्यांशी चर्चा करणार असल्याचे सांगण्यात येत आहे.