मये मतदारसंघात मूलभूत सुविधा पुरवणार...

डिचोली: कारापूर (Karapur) -सर्वण पंचायत क्षेत्रातील विठ्ठलापूर (प्रभाग-3) येथील नाल्याजवळ संरक्षक भिंत आणि पदपथ बांधण्यात येत आहे. एका खास कार्यक्रमात मयेचे आमदार प्रवीण झांट्ये यांच्या हस्ते या कामाची पायाभरणी करण्यात आली. या कामावर 18 लाख रुपये खर्च करण्यात येणार आहे.सार्वजनिक बांधकाम खात्यातर्फे हे काम करण्यात आले आहे.

पायाभरणी सोहळ्यावेळी उत्तर गोवा जिल्हा पंचायतीची माजी अध्यक्ष अंकिता न्हावेलकर, कारापूर-सर्वणचे सरपंच दामोदर गुरव, पंच गोकुळदास सावंत, सुषमा सावंत आणि लक्ष्मण गुरव तसेच सिताराम सावंत, केशव जोगळे, रमाकांत आमोणकर, विष्णू भोसले आदी उपस्थित होते. मये मतदारसंघात मूलभूत सुविधा पुरविण्यासाठी आपले प्रयत्न चालू आहेत. असे आमदार झांट्ये यांनी यावेळी बोलताना सांगून, गावच्या विकासासाठी सर्व नागरिकांनी सहकार्य करावे. असे आवाहन केले. दरम्यान, संरक्षक भिंत आणि पदपथ बांधावेत. ही नागरिकांची प्रलंबीत मागणी आहे. या कामाला आता चालना मिळाल्याने नागरिकांनी समाधान व्यक्त केले.