Curchorem Municipal Council: नगराध्यक्ष उपनगराध्‍यक्षांची बिनविरोध निवड

केपे: कुडचडेचे नवीन नगराध्यक्ष म्हणून प्रसन्ना भेंडे तर उपनगराध्यक्ष योलांडा परेरा यांची बिनविरोध निवड झाली आहे. आज पालिकेत झालेल्या खास बैठकीत दोघांच्याही नावाची रितसर घोषणा करण्यात आली. यावेळी उपजिल्हाधिकारी मनोहर कारेकर यांनी निर्वाचन अधिकारी म्हणून काम पाहिले.

नगराध्यक्ष प्रदीप नाईक व उपनगराध्यक्ष ऋचा वस्त यांनी पदाचा राजीनामा दिल्याने रिक्त झालेल्या या पदांसाठी प्रसन्ना भेंडे व योलांडा परेरा यांचे प्रत्येकी एकेक अर्ज आल्याने त्यांची बिनविरोध निवड झाली.

पालिकेवर आमदार काब्राल यांचे वर्चस्व असून आज ते सुद्धा या बैठकीला खास उपस्थित होते. नगराध्यक्षपद व उपनगराध्यक्ष पद अलिखित करारानुसार वाटून देण्यात आले होते.