Panaji Smart City: प्रवाशांनी बसायचे कुठे? पणजीतील कदंब बसस्थानकात गैरसोय

Panaji Kadamba E Bus Charger Point

पणजी: येथील कदंब बसस्थानक परिसरात स्मार्ट सिटीअंतर्गत राजधानीत चालणाऱ्या इलेक्ट्रीक बसेससाठी चार्जर पॉईंट तयार करण्यात आला आहे. मात्र या ठिकाणी प्रवाशांना बसण्यासाठी कोणतीही सोय नाही, त्यामुळे नाराजी व्यक्त होत आहे.

स्मार्ट सिटीअंतर्गत उपलब्ध झालेल्या या बसेस कदंब वाहतूक महामंडळाव्दारे संचालित केल्या जातात. राजधानीतील अंतर्गत मार्गावर या गाड्या चालतात.

कदंब बसस्थानकावरील चार्जर पॉईटवरून बाहेर पडल्यानंतर या बसेसमध्ये प्रवासी घेतले जातात, तोवर प्रवासी फाटकाबाहेर ताटकळत असतात. या ठिकाणी बसण्याचीही सोय नाही, त्यामुळे पावसात भिजत वा उन्हाचा मारा सोसत प्रवाशांना उभे राहावे लागते.

या ठिकाणी बसण्यासाठी सोय करण्यात यावी, अशी मागणी प्रवाशांनीकेली आहे. यासंदर्भात कदंब वाहतूक महामंडळाचे अध्यक्ष उल्हास तुयेकर यांच्याशी संपर्क साधण्याचा प्रयत्न केला असता त्यांच्याशी संपर्क होऊ शकला नाही.