गेल्या काही दिवसांपासून मुंबईबरोबरच देशात अनेक ठिकाणी अमली पदार्थांच्या तस्करीच्या अनेक घटना समोर येत आहेत. काही दिवसांपूर्वीच मुंबई एनसीबीने कोल्हापुरात एका फार्म हाऊसवर छापेमारी करत लाखोंचा मुद्देमाल जप्त केला होता. ही घटना ताजी असतानाच मुंबई (Mumbai) एनसीबीने गोव्यात एक मोठी कारवाई (NCB) केली आहे.
मुंबई आणि गोवा एनसीबीने (Goa NCB) काल संयुक्तपणे उत्तर गोव्यातील (North Goa) अर्पोरा (Arpora) याठिकाणी छापेमारी केली आहे. यावेळी एनसीबीच्या अधिकाऱ्यांनी 2 महिलांना अटक केले, यांच्याकडून जवळपास 25 किलो गांजा आणि MDMA च्या काही गोळ्या जप्त करण्यात आल्या आहेत. त्या दोन महिलांमधील एक महिला विदेशी असल्याची माहिती समोर आली आहे. संबंधित दोघींना न्यायालयात हजर केले असता, न्यायालयाने (Court) दोघींना न्यायालयीन कोठडी सुनावली आहे.
या घटनेचा पुढील तपास मुंबई एनसीबी आणि गोवा एनसीबी संयुक्तपणे करत आहेत. आरोपी महिल्यांच्या चौकशीमध्ये अमली पदार्थाचे मोठे जाळे उघड होण्याची शक्यता वर्तवली आहे. ती विदेशी महिला कोणत्या देशाची आहे? याविषयी अधिकृत माहिती अद्याप समोर आली नाही. या घटनेचा पुढील तपास पोलीस (Police) करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
