National Service Scheme : दाबोळी, केशव स्मृती उच्च माध्यमिक विद्यालयाच्या राष्ट्रीय सेवा योजनेच्या सात दिवशीय निवासी शिबिराचे श्रीराम विद्यालय, कोलवाळ येथे रीतसर उद्घाटन करून शिबिराला प्रारंभ झाला.
प्राचार्य शंकर गावकर तसेच राष्ट्रीय सेवा योजनेचे पदाधिकारी योगेश मांद्रेकर, सस्मीत नाईक, उर्वशा परब, तसेच शिक्षक सचिन शिरोडकर यांनी दीपप्रज्वलनाने कार्यक्रमाला सुरुवात केली.
प्राचार्य शंकर गावकर यांनी आपले मनोगत व्यक्त करताना सांगितले की, राष्ट्रीय सेवा योजनेनिमित्त जी संधी मिळालेली आहे, त्या संधीचा तुम्ही लाभ घ्यावा.
राष्ट्रीय सेवा योजना ही संकल्पना सांगताना त्यात सेवा आणि त्याग हे शब्द युवकांच्या आयुष्यातील सेवेचे महत्त्व स्पष्ट करतात. खरे तर शिक्षण क्षेत्रातून सेवासंस्कार तरुणांवर व्हावा, तरुणांकडून राष्ट्रसेवा घडावी.
युवाशक्तीचा उपयोग राष्ट्राला व्हावा. हा एकमेव उद्देश या योजनेचा आहे. म्हणून प्रत्येकाने हा उद्देश लक्षात घेऊन समर्पित भावनेने कार्य करावे, असेही ते म्हणाले.
हे निवासी शिबिर २८ ऑक्टोबर ते ३ नोव्हेंबरपर्यंत चालणार आहे. या सात दिवसांत सकाळी योगानंतर अनेक उपक्रम तसेच करमणुकीचे कार्यक्रम, स्पर्धा आयोजित करण्यात आल्या आहेत. सूत्रसंचालन शिक्षिका दीक्षा डिसोजा यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.