म्हापसा: नास्नोळा पंचायत क्षेत्रात उघड्यावर कचरा फेकणाऱ्यांची यापुढे गय केली जाणार नाही. गाडीचा नंबर किंवा कचरा फेकणाऱ्याची ओळख पटताच संबंधिताकडून पंचायतीमार्फत ५ हजार रुपये दंड वसूल केला जाणार आहे. गाव स्वच्छ आणि सुंदर ठेवण्यासाठी नास्नोळा पंचायत मंडळाने नागरिकांना सहकार्य करण्याचे आवाहन केले आहे.
गावातील कचऱ्याच्या वाढत्या समस्येवर नियंत्रण मिळवण्यासाठी आणि बेकायदेशीरपणे रस्त्यावर कचरा टाकणाऱ्यांना आळा घालण्यासाठी नास्नोळा ग्रामपंचायतीने अत्यंत कडक पाऊल उचलले आहे.
कचरामुक्त आणि सुंदर गाव बनविण्याच्या उद्देशाने सरपंच लक्ष्मण केरकर आणि पंचायत मंडळाने मिळून विशेष मोहीम हाती घेतली आहे. गुरुवारपासून आम्ही या मोहिमेला सुरुवात करत आहोत, अशी माहिती सरपंच केरकर यांनी दिली.
जागरूक नागरिकांना १० हजारांचे बक्षीस
पंचायतीने जारी केलेल्या नव्या नियमांनुसार, जर कोणी नास्नोळा पंचायतीच्या हद्दीत कचरा फेकताना आढळला, आणि एखाद्याने त्याचा गाडी नंबर प्लेटसह फोटो किंवा व्हिडिओ काढून पंचायतीला पाठवला, तर माहिती देणाऱ्या जागरूक नागरिकाला १ हजार रुपयांचे रोख बक्षीस दिले जाईल. या मोहिमेत जो नागरिक कचरा फेकणाऱ्यांचे सर्वाधिक फोटो काढून देईल, त्याला १० हजार रुपयांचे विशेष पारितोषिक देऊन गौरविण्यात येणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
