वास्को: गोवा शिपयार्ड कंपनीने मुरगाव पालिकेसह राष्ट्रीय महामार्ग (17 बी)नियमांचे उल्लघन करीत दोन मुख्य गेटवर पत्र्यांचे आच्छादन बसविले आहे. तसेच या कंपनीचे कामगार आपली वाहने राष्ट्रीय महामार्गावर पार्क करून जातात. त्यामुळे इतर वाहनांना अडथळा निर्माण होतो. म्हणून संबंधीत विभागावर कारवाई करण्याची मागणी मुरगाव नगरपालिकेचे माजी नगराध्यक्ष नंदादीप राऊत यांनी केली.
(Nandadeep Raut allegation on goa shipyard company vasco)
वास्को गोवा शिपयार्ड कंपनीने राज्य सरकारच्या नियमांचे उल्लघन करण्याचे षडयंत्र सुरूच ठेवले आहे. गोवा शिपयार्ड कंपनीने आपली मनमानी करताना राज्य सरकारची परवानगी न घेता राष्ट्रीय महामार्गापर्यन्त पत्र्याचे अच्छादान बसविले आहे. तसेच कंपनीत येणारे कामगार आपली दुचाकी, चारचाकी वाहने राष्ट्रीय महामार्गावर पार्क करून कंपनीत कामाला जातात. यामुळे वाहतुक कोंडीला सामोरे जावे लागते.
माजी नगराध्यक्ष नंदादीप राऊत यांनी वास्को वाहतुक पोलिसांबरोबर मुरगाव तालुका सहाय्यक वाहतुक संचालकांनी बेकायदेशीर वाहने पार्क करणाऱ्यांवर दंडात्मक कारवाई करावी अशी मागणी केली. याप्रकरणी वरील दोन्ही वाहतुक विभागांना निवेदन सादर करण्यात येणार असल्याचे राऊत यांनी सांगितले. तसेच राष्ट्रीय महामार्ग प्राधिकरणाबरोबर सार्वजनिक बांधकाम रस्ते विभागाकडे याची तक्रार दाखल करणार असल्याची माहिती माजी नगराध्यक्ष राऊत यांनी दिली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
