Mumbai Goa Highway: मुंबई - गोवा महामार्गाचे काम मागील बारा वर्षांपासून रखडले आहे. महामार्गाबाबत वारंवार राजकीय पक्ष, स्थानिकांनी प्रश्न उपस्थित केले. मनसेच्या वतीने राज्य सरकारला धारेवर धरले जात आहे.
पुढील वर्षी महामार्ग खुला करण्याचे आश्वासन शिंदे सरकारने दिले असले तरी संथ गतीने आणि निकृष्ट दर्जाचे काम सुरु असल्याचा आरोप मनसेने केला आहे. त्यात आता मनसे नेते अविनाश जाधव यांनी या महामार्गाला केंद्रीय मंत्री नितीन गडकरींचे नाव दिले जावे अशी मागणी केली आहे.
'कोकण एक्सप्रेस महामार्गाला केंद्रीय मंत्री नितीन गडकरींचे नाव द्या, अशी आम्ही मागणी करणार आहोत. कारण हा इतिहासात जाणारा रस्ता आहे, 18 वर्षे झालं या महामार्गाचे काम सुरु आहे आणि अजून काही दिवस या रस्ताचे काम होताना दिसत नाही.'
'वशिष्ठी नदीच्या रस्त्यावरील सळ्या वर आल्या आहेत, यामुळे एखादा मोठा अपघात होण्याची शक्यता आहे. अशा निकृष्ट दर्जाचे काम होणार असेल, आणि गडकरी फक्त बाता मारणार असतील तर, या महामार्गाला एकदाचे गडकरींचे नाव देऊनच टाका,' असे मनसे नेते अविनाश जाधव म्हणाले.
दरम्यान, नुकतेच महामार्गावरील चिपळूणच्या बहादूर शेख नाका येथे उड्डाणपुलाचा भाग कोसळल्याची घटना समोर आली. दुर्घटना घडली त्यावेळी सुदैवाने या परिसरात कोणी नसल्याने कोणतीही जीवीत हानी झाली नाही.
महामार्गाचे रखडलेले काम आणि पुलाच्या निकृष्ट दर्जाबाबत सरकारने श्वेतपत्रिका काढावी, अशी मागणी मुंबई प्रदेश काँग्रेसने केली आहे.
महामार्गाच्या कामावर खर्च केलेले कोट्यवधी रुपये धुळीला मिळाले, अशी भावना प्रा. वर्षा गायकवाड यांनी व्यक्त केलीय.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.