Mungul Gang War: मुंगूल गॅंगवॉर; 13 जणांच्या जामिनावर मंगळवारी होणार सुनावणी

मडगाव: मुंगूल गँगवॉर प्रकरणी न्यायालयात जामिनासाठी धाव घेतलेल्या १३ जणांच्या जामीन अर्जावर मंगळवारी (ता.१६) सुनावणी होणार आहे.

दक्षिण गोवा सत्र न्यायालयाचे न्यायाधीश राम प्रभुदेसाई यांच्या न्यायालयात या जामीन अर्ज सुनावणीस आला असता वरील तारीख देण्यात आली.

व्हॅली डिकॉस्टा, अमर कुलाल, वासु कुमार, मोहन अली, ज्योयस्टन फर्नांडिस, सुनील बिलावर, बाशा शेख, गौरांग कोरगावकर, राजेश वेल्मा, प्रकाश वेल्मा, अविनाश गुंजीकर, धनंजय तलवार व अक्षय तलवार या तिघांनी जामिनासाठी अर्ज केला आहे.

दरम्यान, मुंगुल येथे १२ ऑगस्टला गँगवॉरची घटना घडली होती. एकूण २८ जणांना फातोर्डा पोलिसांनी अटक केली होती.

त्यातील दीपक कट्टीमणी व परशुराम राठोड या दोघांना यापूर्वीच जामीन मंजूर झाला तर अन्य संशयित न्यायालयीन कोठडीत आहे. व्हॅली व वोल्टर यांच्या गँगच्या संघर्षातून हे टोळीयुद्ध झाले होते. यात युवकेश सिंग व रफिक तैशान हे दोघे गंभीर जखमी झाले होते.