Goa Foundation: गोवा फाऊंडेशनने पिसुर्ले येथील दामोदर मंगलजी खाणीवरील डंपबाबत 19 जानेवारी 2022 ला सादर केलेली जनहित याचिका मुंबई उच्च न्यायालयाच्या गोवा खंडपीठाने काल कामकाजात दाखल करून घेतली. यामुळे न्यायालयाने 12 एप्रिल 2022 रोजी हे डंप हलवण्याबाबत दिलेल्या स्थगितीवर काल शिक्कामोर्तब केले आहे.
न्यायालयातून मिळालेल्या माहितीनुसार, पिसुर्ले येथील दामोदर मंगलजी खाणीवरील डंप हलवण्यासाठी खाण आणि भूगर्भशास्त्र खात्याने ई-लिलाव जाहीर केला होता. हा ई-लिलाव वेदांता कंपनीने मिळवला होता.
मात्र, मालाच्या दर्जाबाबत संशय आल्याने गोवा फाऊंडेशनने मुंबई उच्च न्यायालयाच्या गोवा खंडपीठात जानेवारीमध्ये जनहित याचिका दाखल केली होती. सर्वोच्च न्यायालयाने या संबंधित मालाची चौकशी करण्याचे आदेश दिले असल्याची बाब गोवा फाऊंडेशनने न्यायालयाच्या निदर्शनास आणली होती.
तसेच, या संपूर्ण प्रकरणाची एसआयटीमार्फत चौकशी झाल्याशिवाय वेदांता कंपनीला हा माल हलवण्यासाठी परवानगी देऊ नये, अशी ही जनहित याचिका आहे. वेदांताने हा माल यापूर्वीच दामोदर मंगलजी खाणीवरून आमोणा जेटीवर हलवला आहे.
आता एसआयटीच्या चौकशीशिवाय आणि न्यायालयाच्या सुनावणीशिवाय हा 1 लाख 80 हजार टन खनिज माल हलवता येणार नाही. यासंबंधीची वेदांताची विनंतीही न्यायालयाने फेटाळली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
