RDX असलेला टँकर गोव्याच्या दिशेने येत असल्याची माहिती मुंबई पोलिसांनी गोवा पोलिसांना दिली. सतर्कतेचा इशारा म्हणून गोवा पोलिसांनी राज्याच्या सीमेवर मोठी नाकाबंदी केली. दरम्यान, हा टँकर रत्नागिरी पोलिसांकडून ताब्यात घेण्यात आला याबाबत अधिक तपास पोलीस करत आहेत.
मिळालेल्या माहितीनुसार, आरडीएक्स विस्फोटक असलेला एक टँकर गुजरात येथून गोव्याच्या दिशेने येत असल्याची माहिती पोलिसांना मिळाली. मुंबई पोलिसांनी याबाबत माहिती फोनद्वारे गोवा पोलिसांना दिली. पोलिसांनी सतर्कतेचा इशारा म्हणून सीमेवर नाकाबंदी केली.
हा टँकर रत्नागिरी पोलिसांनी ताब्यात घेतला असून, याबाबत अधिक तपास सुरू आहे. एका व्यक्तीने आरडीएक्स गोव्याच्या दिशेने येणार असल्याची माहिती मुंबई पोलिसांना दिली होती. त्यानंतर गोवा आणि कोकणातील पोलिसांना सतर्क राहण्याचा इशारा देण्यात आला होता.
टँकरमध्ये आढळली नाहीत स्फोटके
दरम्यान, पोलिसांनी ताब्यात घेतलेल्या या टँकरमध्ये प्रथमदर्शनी कोणत्याही प्रकराची स्फोटके आढळून आलेली नाहीत. ज्या व्यक्तीने फोनवरून याबाबत माहिती दिली ती खोटी असल्याचे स्पष्ट झाले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.