Mumbai Goa Flight: खराब हवामानाचा इंडिगोच्या फ्लाईटला फटका, मुंबईला उड्डाण केलेले विमान 'मोपा'वर परतले

खराब हवामानामुळे विमान काही काळ हवेत घिरट्या घालत राहिले आणि नंतर मोपावर परतले.
Mumbai Goa Indigo Flight
Mumbai Goa Indigo Flight Dainik Gomantak

Mumbai Goa Flight: गोव्यातून मुंबईला निघालेल्या फ्लाईटला खराब हवामानाचा फटका बसला. शुक्रवारी (दि.08) दुपारी इंडिगोच्या विमानाने गोव्यातील मनोहर आंतरराष्ट्रीय विमानतळावरून मुंबईच्या दिशेने उड्डाण घेतले, पण मुंबईतील खराब हवामानामुळे विमान काही काळ हवेत घिरट्या घालत राहिले आणि नंतर मोपावर परतले.

मिळालेल्या माहितीनुसार, इंडिगो एअरलाइन्सच्या विमानाने उत्तर गोवा, मोपा येथील मनोहर विमानतळावरून मुंबईकडे जाण्यासाठी दुपारी 1.16 वाजता उड्डाण केले. पण, मुंबईतील खराब हवामानामुळे विमानाला लॅंडिंग करता आले नाही.

लॅंडिंगची सूचना मिळेपर्यंत विमान काही काळासाठी हवेतच घिरट्या घालत राहिले. अखेर विमान पुन्हा मनोहर आंतरराष्ट्रीय विमानतळावर परतले. यामुळे विमानातील प्रवाशी देखील कंटाळले तसेच, त्यांना अतिरिक्त वेळ खर्च करावा लागला.

Mumbai Goa Indigo Flight
37th National Games Goa 2023: गोव्यात होणाऱ्या 37 व्या राष्ट्रीय क्रीडा स्पर्धेची मशाल प्रज्वलित

हवामान स्वच्छ झाल्याची खात्री केल्यानंतर सायंकाळी चार वाजता पुन्हा हे विमान मुंबईच्या दिशेने झेपावले आणि सुरक्षित लँड झाले.

दरम्यान, या विलंबामुळे विमानातील प्रवाशांना देखील नाहक त्रास सहन करावा लागला. खराब हवामानामुळे तब्बल दीड तास प्रवाशांना या विमानात बसावे लागले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com