Mumbai Goa Highway Accident: मुंबई- गोवा महामार्गावर मिनीबसचा अपघात; 17 जण जखमी, 4 गंभीर

Mumbai Goa Highway Accident: मुंबई-गोवा महामार्गावर मिनीबसचा भीषण अपघात झाला आहे. गोव्याहून मुंबईकडे जात असताना खेड तालुक्यात मिनीबस बाजूच्या रेलिंगला धडकून हा अपघात झाला.

अपघातात 17 जण जखमी झाले असून चौघांची प्रकृती चिंताजनक आहे. जखमींवर रुग्णालयात उपचार सुरु आहेत.

मिळालेल्या अधिक माहितीनुसार, रत्नागिरी, खेड तालुक्यातील तुळशी गावाजवळ हा भीषण अपघात झाला. अपघाताची माहिती मिळताच पोलीस आणि स्थानिकांनी घटनास्थळी धाव घेतली. पोलिसांनी जखमींना जवळच्या रुग्णालयात दाखल केले.

चालकाचा गाडीवरील ताबा सुटला आणि गाडी विरुद्ध दिशेला असलेल्या रेलिंगला जाऊन धडकली.

जखमींना कळंबणी उपजिल्हा रुग्णालयात उपचारासाठी दाखल करण्यात आले आहे. अपघातात जखमी झालेल्या काही जणांना पुढील उपचारासाठी मुंबईला हलवण्यात आले आहे.