Mumbai- Goa Highway: मुंबई- गोवा महामार्गावर रास्तारोको आंदोलन

Mumbai- Goa Highway Latest News: मुंबई- गोवा महामार्गावर खड्ड्यांविरोधात रास्तारोको आंदोलन सुरू आहे. ज्यामुळे वाहतुक कोंडी झाली आहे. या महामार्गावरील खड्डे जैसे थे आहेत. या आंदोलनात यमराजाच्या वेशात रस्त्यावरील खड्ड्याविरोधात आपले मत मांडले.

गेल्या 12 वर्षा पासून या रस्त्याकडे सरकार दुर्लक्ष करत आहे. 'माझं पेण' या सामाजिक संघटनेकडून रस्त्यावरील खड्ड्याच्या दुरवस्थेविरोधात रास्तारोको आंदोलन करण्यात आले आहे. रस्त्यावरील खड्ड्यामुळे अनेक लोकांना जीव गमवावा लागला आहे. या आंदोलनात पेणचे सर्व नागरिक सहभागी झाले आहेत. मुदतीपुर्वी या रस्त्याचे काम पुर्ण करण्याची मागणी पेणच्या नागरिकांनी केली आहे.

या आंदोलनात यमराजाच्या वेशात रस्त्यावरील खड्ड्याविरोधात आपले मत मांडले. आंदोलनात सहभागी झालेल्या पेणच्या नागरिकांनी या महामार्गाचे काम लवकरात लवकर पुर्ण करण्याची मागणी केली आहे.

दरम्यान, काही दिवसांपुर्वी या रस्त्यावरून खड्डे चुकवत एक तरुण बाईकवरुन जात होता. एका अवजड वाहनाच्या चाकांखाली हा अचानक आला आणि त्याचा घटनास्थळीच मृत्यू झाला. काही संतप्त नागरिही घटनास्थळी जमा झाले होते आणि त्यांनी या खड्ड्यांमुळेच तरुणाचा मृत्यू झाल्याचा आक्षेप घेत, मुंबई-गोवा हायवेवरच रास्तारोको सुरु केला होता.

दरम्यान, गेले अनेक काळापासून मुंबई-गोवा महामार्गाचे काम सुरु आहे. या रस्त्यावरुन प्रवास करताना मुठीत जीव घेऊनच प्रवास करावा लागतो. याकडे सरकारने तातडीने लक्ष देण्याची गरज व्यक्त करण्यात येते आहे. संतप्त नागरिकांनी त्या ठिकाणी ठेकेदार आणि सरकारचा निषेध केला.