मडगाव: काही दिवसांपूर्वी सांगे पोलिसांनी उघडकीस आणलेल्या महागड्या 'अंबरग्रीस' तस्करी प्रकरणात सांगे पोलिसांनी पेण-मुंबई येथील मच्छीमार सचिन म्हात्रे याला अटक केली आहे. त्याच्यामार्फत पोलिस या तस्करीच्या मुळापर्यंत जाऊ पाहत आहेत.
पोलिस निरीक्षक दितेंद्र नाईक यांनी दिलेल्या माहितीनुसार, या प्रकरणातील मुख्य संशयित योगेश रेडकर याने हा माल म्हात्रेकडून विकत घेतला होता. आंतरराष्ट्रीय बाजारात या मालाची किंमत सुमारे १० कोटी रुपये आहे. यापूर्वी अटक केलेला संशयित योगेश आणि आता अटक केलेला संशयित सचिन हे दोघेही मासेमारीच्या व्यवसायात आहेत.
४.५० लाखांचे दागिने लंपास करणारा अटकेत
फोंडा: 'भाडेकरू म्हणून आला आणि घरमालकाला लुटले' असा प्रकार कुंडई येथे घडला. मात्र म्हार्दोळ पोलिसांची सतर्कता आणि तत्परतेमुळे शेवटी संशयिताला २४ तासांच्या आत पकडण्यात यश मिळाले. ही चोरीची घटना काल सोमवारी घडली होती.
मिळालेल्या माहितीनुसार, मानसवाडा-कुंडई येथील नाईक कुटुंबीयांच्या घरी ही सुमारे साडेचार लाख रुपयांच्या दागिन्यांची चोरी झाली होती. या प्रकरणी या घरात भाडेकरू म्हणून राहणाऱ्या प्रदीप बाबूलाल नावेत (३०, मूळ मध्यप्रदेश) याला पोलिसांनी संशयावरून ताब्यात घेतले असता त्याने चोरीची कबुली दिली. काल नाईक कुटुंबीय घरी नसताना ही चोरी झाली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
