Dabolim Airport: दाबोळी विमानतळावर व्यवसाय सुरु करण्याची गोवेकरांना संधी; निविदा निघाली, आजच करा अप्लाय

Dabolim Airport: दक्षिण गोव्यातील दाबोळी विमानतळावर व्यवसाय सुरु करण्याची संधी निर्माण झाली आहे. विमानतळावर विविध दुकानांसाठी गाळे उपलब्ध असून, यासाठी विमानतळ प्राधिकरणाच्या वतीने निविदा प्रसिद्ध करण्यात आली आहे.

गोवेकरांसाठी व्यवसाय सुरु करण्याची ही सुवर्णसंधी असून, त्यासाठी निविदा प्रक्रियेत भाग घेता येईल.

भारतीय विमानतळ प्राधिकरणाच्या वतीने याबाबत माहिती देण्यात आली आहे. विमानतळाने दिलेल्या निविदेच्या माहितीनुसार, पुस्तके आणि व्हिडिओ, खेळणी आणि गेम्स, फूटवेअर, सेन्ट, परफ्युम यासारखी उत्पादने तसेच, वेलनेस स्टोअरसाठी या जागांचा उपयोग करता येईल असे विमानतळाच्या वतीने स्पष्ट करण्यात आले आहे.

निविदा सादर करण्याची अंतिम तारीख 28 नोव्हेंबर असल्याचे विमानतळ प्राधिकरणाने म्हटले आहे.

दक्षिण गोव्यातील दाबोळी विमानतळ गोव्यातील एक अतिशय व्यस्त विमानतळ आहे. उत्तर गोव्यात झालेल्या मनोहर आंतरराष्ट्रीय विमानतळानंतर हे विमानतळ मागे पडेल असा अंदाज व्यक्त केला जात होता. मात्र, दाबोळीवर देखील मोठ्या प्रमाणावर विमानांची वर्दळ पाहायला मिळत आहे.