Crime News : मुरगावात चोरांकडून तिसरी शाळा लक्ष्य

Crime News : कर्मचाऱ्यांनी याची माहिती आपल्या वरिष्ठांना दिली व लगेच वास्को पोलिसांना याविषयी कळयविण्यात आले.
Crime
CrimeDainik Gomantak

Crime News :

वास्को, दाबोळी येथील केशव स्मृती शाळेत सोमवार, ११ रोजी चोरीची घटना घडली. सुमारे ५० हजार रुपयांची रोकड चोरट्यांनी लंपास केली. मुरगाव तालुक्यातील ही तिसरी शाळा आहे, जिला चोरट्यांनी लक्ष्य केले.

मिळालेल्या माहितीनुसार, दाबोळी येथील केशव स्मृती शाळेत चोरट्यांनी कुलूप तोडून आत प्रवेश केल्याची घटना सोमवारी सकाळी उघडकीस आली.

जेव्हा कर्मचारी शाळा उघडण्यासाठी शाळेत आले तेव्हा कर्मचाऱ्यांना कुलूप उघडलेले दिसले आणि मुख्य कार्यालयाची तोडफोड करण्यात आल्याचे नजरेस पडले. तसेच मुख्याध्यापकांच्या कार्यालयातील कागदपत्रे अस्ताव्यस्त पडलेली दिसली. कर्मचाऱ्यांनी याची माहिती आपल्या वरिष्ठांना दिली व लगेच वास्को पोलिसांना याविषयी कळयविण्यात आले.

Crime
Goa Today's News: दिवसभरातील ठळक घडामोडींचा आढावा घ्या एका क्लिकवर

वास्को पोलिसांनी घटनास्थळी पंचनामा केला. सुमारे ५० हजार रुपयांची रोकड चोरट्यांनी लंपास केली असल्याचे मुख्याध्यापिका सुषमा कोरगावकर यांनी सांगितले. शाळेला रात्रीची सुरक्षा पुरवावी, अशी विनंती शिक्षण विभागाला मुख्याध्यापिका सुषमा कोरगावकर यांनी केली आहे. वास्को पोलिस पुढील तपास करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com