Morjim Hill Cutting: डोंगर कापणीत गुंतलेल्यांना कठोर शासन व्हावे; मोरजीवासीयांचे गाऱ्हाणे

मोरजी: मोरजी पंचायत क्षेत्रात मोठ्या प्रमाणात जमीन रूपांतरण आणि डोंगर कापणी प्रकरणात जे कोण गुंतलेले आहेत, त्यांना कठोर शासन करावे, अशा आशयाचे सामुदायिक गाऱ्हाणे भाटिवाडा मोरजी येथील शेतकरी, जमीनदार, ग्रामस्थांनी श्री देव सत्पुरुष आणि श्री देव कानडी वंश देवाला घातले.

मोरजी पंचायत क्षेत्रातील डोंगर भागातील मोठ्या प्रमाणात जमिनी सरकारने रूपांतरित केल्यामुळे या डोंगर माळरानावर ‘मेगा प्रकल्प’ उभे रहात आहे. मोठ्या प्रमाणात जमिनी बिगर गोमंतकीयांनी विकत घेतलेल्या आहेत. या जमिनी विकत घेताना ज्या ठिकाणी देवाची स्थळ आहेत.पारंपरिक वाटा आहेत, त्या वाटाही बंद केल्या.

देवस्थानांकडे जाणाऱ्या वाटा अडवण्याचाही प्रकार घडला आहे . यामध्ये जे जे कोणी सहभागी आहेत, त्याला सरकारने शासन करावे. अशा प्रकारचे सामुदायिक कारणे भाटिवाडा मोरजी येथील लोकांनी श्री देव सत्पुरुष आणि श्री देव कानडीवंस देवाला घातले.

देवांनी ३ दिवसांत शासन करावं!

देवाची स्थळे आहेत .ज्या ठिकाणी धार्मिक विधी करण्यासाठी प्रत्येक वेळा नागरिकांना गावकऱ्यांना त्या ठिकाणी जावे लागते. त्या ठिकाणी त्यांची पायवाटाच अडवलेल्या आहेत. त्यामुळे या प्रकरणात ज्यांचा सहभाग आहे अशांना तीन दिवसांच्या आत देवाने शासन करावे, असे गाऱ्हाणे यावेळी घालण्यात आले.