मोरजीवासीयांनी 'त्या' पार्टीच्या विरोधात आवाज उठवला

मोरजी: मोरजी येथील नागरिकांनी शनिवारी नियमांचे उल्लंघन करून सुरू असलेल्या पार्टीच्या विरोधात आवाज उठवला. ही पार्टी गावातील एका हॉटेलमध्ये सुरू होती. नागरिकांच्या माहितीनुसार, कोविड-19 (COVID-19) नियमांचे उल्लंघन करून मोठ्या आवाजात संगीत लावून पार्टी सुरू होती. (Morjim Goa Latest News)

या पार्टीबाबत स्थानिकांनी पोलिसांशी (Police) संपर्क साधला, मात्र पीआय विक्रम नाईक यांच्या नेतृत्वाखालील पोलिसांचे पथक घटनास्थळी पोहोचण्यापूर्वीच संगीत आणि लाईट बंद करण्यात आली. स्थानिकांनी आरोप केला की, कोणीतरी हॉटेल चालकाला पोलिस तक्रारीची माहिती दिल्यामुळे पोलिस हॉटेलमध्ये येण्यापूर्वीच संगीत बंद केले गेले.

पार्टीत सहभागी होणाऱ्या लोकांकडे कोविड निगेटिव्ह सर्टिफिकेट आहे की नाही हे तपासण्याची कोणतीही तरतूद करण्यात आली नसल्याचेही यावेळेस समोर आले. एका स्थानिकाने सांगितले की, "गावात हॉटेलसाठी खाजगी पार्किंगची (Parking) जागा उपलब्ध नसल्यामुळे पर्यटक त्यांची वाहने रस्त्यावर पार्क करतात. परिणामी स्थानिक वाहन चालकांची गैरसोय होते.