Goa Tourism: ‘जीटीडीसी’कडे यंदा खासगी हॉटेलांच्या नोंदणीमध्ये वाढ, महसुलही वाढला

Goa Tourism Development Corporation: गोवा पर्यटन विकास महामंडळाकडे गोव्यातील खासगी हॉटेल्सच्या नोंदणीत यंदा लक्षणीय वाढ झाली आहे.

‘व्यवसाय सुलभता’ या संकल्पनेने अनेक हॉटेल व्यावसायिकांना पुढे येऊन ‘जीटीडीसी’कडे नोंदणी करण्यास प्रोत्साहित केले आहे, असे ‘जीटीडीसी’च्या उपसंचालकांचे म्हणणे आहे.

‘जीटीडीसी’ने ‘इझ ऑफ डुइंग बिझनेस’ ही संकल्पना आणल्यानंतर गेल्या काही महिन्यांपासून अनेक खासगी हॉटेल्सनी यंदा ‘जीटीडीसी’कडे नोंदणी केली आहे. खासगी हॉटेल्सच्या वाढलेल्या नोंदणीमुळे ‘जीटीडीसी’च्या महसुलातही वाढ झाली आहे.

हॉटेल्सना सुमारे 10 कागदपत्रे सादर करावी लागायची आणि ही प्रक्रिया लांबलचक होती. परंतु अलीकडे व्यवसाय करण्याच्या सुलभतेच्या अंतर्गत, आम्ही फक्त 3 कागदपत्रे मागत आहोत, ती म्हणजे मालकी दस्तऐवज, ओळख दस्तऐवज आणि जीएसटी प्रमाणपत्र, तेही त्या व्यक्तीसाठी लागू असल्यास, अशी माहिती आरोलकर यांनी दिली.