मोरजी : मोरजी पंचायत क्षेत्रातील रस्त्याच्या दुतर्फा बेशिस्तपणे वाहने पार्क करून वाहतुकीला अडथळा निर्माण केला जात होता. ही बाब लक्षात घेऊन उत्तर गोवा जिल्हाधिकाऱ्यांनी काही ठिकाणी ‘नो पार्किंग झोन’ घोषित केला होता.
पंचायतीने तीन ठिकाणी ‘नो पार्किंग झोन’चे फलक लावले. परंतु इतरत्र ‘नो पार्किंग झोन’चे फलक का लावले नाहीत, असा सवाल गजानन शेटगावकर यांनी उपस्थित केला आहे.
मोरजी पंचायत क्षेत्रातील राज सुपर मार्केट ते बास्कीन रॉबिन शॉप पर्यंतच्या २५० मीटर क्षेत्रात ‘नो पार्किंग झोन’ जाहीर केला आहे. शिवाय मधुकर वाईन स्टोअर ते ग्रँड इन रिसॉर्ट या ३५० मीटर रस्त्याच्या दुतर्फा, रत्नदीप रेस्टॉरंट ते गावडेवाडा जंक्शन १५० मीटर पर्यंत रस्त्याच्या दुतर्फा, ‘नो पार्किंग झोन’ आहे.
मोहन गॅरेज ते कॉटेज सुपर मार्केट ४०० मीटर लांबीच्या रस्त्याच्या दुतर्फा ‘नो पार्किंग झोन’ आहे. मात्र, फलक लावलेले नाहीत. उत्तर गोवा जिल्हाधिकाऱ्यांनी २७ जून २२ रोजी दिलेल्या आदेशात ‘नो पार्किंग’चे फलक लावावेत,असे म्हटले होते.
मोरजीतील विविध रस्त्यांवर ‘नो पार्किंग झोन’ जाहीर झालेले आहेत. त्या त्या ठिकाणी फलक लावण्यात येतील. फलक तयार करायला दिलेले आहेत, ते लावले जातील.
सुरेखा अमित शेटगावकर, मोरजी सरपंच
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.