Mopa Airport : ‘मोपा’ विमानतळामुळे शेतीची हानी

मोरजी, मोपा विमानतळावर काम सुरू असताना पहिल्या पावसाने उगवे गावातील काजू बागायती आणि शेतात पाण्याबरोबर माती वाहून आली होती. तोच प्रकार पुन्हा घडत असल्याने शेतकरी संताप व्यक्त करत आहेत.

आता हे मातीमिश्रीत पाणी उगवे, निगळये या भागात घुसत आहे. त्याबद्दल शेतकरी उदय महाले यांनी नाराजी व्यक्त करून सरकारने जीएमआर कंपनीवर कारवाई करावी अशी मागणी केली आहे.

चिखलाचे पाणी थेट शेतीत घुसून ती नापीक बनण्याचा प्रकार

घडत आहे. याची दखल सरकारने घेऊन शेती वाचविण्‍यासाठी प्रयत्‍न करावेत आणि कंपनीवर कडक कारवाई करावी अशी मागणी शेतकऱ्यांनी केली आहे.

लोकप्रतिनिधींनी दिलेली आश्‍‍वासने हवेत विरली

मोपा विमानतळामुळे पेडणे तालुक्याचा विकास होईल अशी अपेक्षा तालुक्यातील जनतेने धरली होती आणि तसे ठोस आश्वासन निवडून आलेल्या लोकप्रतिनिधींनी निवडणुकीपूर्वी आणि नंतरही दिले होते. परंतु या प्रकल्पाद्वारे जनतेचे प्रश्न सुटण्‍याऐवजी वाढतच चालले आहेत.