साखळी, हाऊसिंगबोर्ड-साखळी येथील आपल्या निवासस्थानी मुख्यमंत्री डॉ. प्रमोद सावंत यांनी आपले कुटुंबीय व शेजाऱ्यांसह होळी सणानिमित्त रंगोत्सव साजरी केली.
यावेळी त्यांनी समस्त गोवेकरांना होळीच्या शुभेच्छा देताना येणाऱ्या काळात सर्वांच्या आयुष्यात आनंदाचे रंग बहराचे, अशी सदिच्छा व्यक्त केली.
होळी हा रंगांचा उत्सव आहे. आपल्या जीवनातही विविध रंगांची आवश्यकता असते. तसेच गोवा राज्याच्या विकासात रंग भरण्याचे काम पंतप्रधान नरेंद्र मोदी यांनी केले आहे. त्यांच्याच सहकार्याने गोव्याचा मोठा विकास होऊ शकला.
म्हणूनच येणाऱ्या लोकसभा निवडणुकीत उत्तर व दक्षिण गोव्यातील दोन्ही जागा भाजपच जिंकणार, असा विश्वास मुख्यमंत्री डॉ. सावंत यांनी व्यक्त केला.
या रंगोत्सवात मुख्यमंत्र्यांच्या पत्नी सुलक्षणा सावंत, वडील पांडुरंग सावंत व शेजाऱ्यांनी सहभाग घेतला. सर्वांनी मुख्यमंत्री डॉ. सावंत यांना रंग लावत होळीच्या शुभेच्छा दिल्या. तसेच मुख्यमंत्र्यांनीही सर्वांना रंग लावत त्यांना शुभेच्छा दिल्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.