मडगाव: वडिलांनी काही कारणास्तव मारबडव केल्याने रागाच्या भरात दिल्लीतून घरातून पळून रेल्वेने गोव्यात निघालेला एक अल्पवयीन मुलगा रेल्वे सुरक्षा दलाच्या सतर्कतेमुळे थिवी येथे सापडला.
१३ वर्षांच्या या मुलाला बाल मदत केंद्राच्या माध्यमातून ‘अपना घरा’त ठेवले आहे. त्याच्या पालकांना यासंबंधी कळविण्यात आले असून, ते गोव्यात पोहोचल्यानंतर या मुलाला त्यांच्या स्वाधीन करण्यात येणार आहे.
हा मुलगा सावंतवाडी पॅसेंजर रेल्वेतून प्रवास करताना रेल्वे सुरक्षा दलाच्या जवानांच्या नजरेत आला. भांबावलेला असल्याने व सोबत कुणीही नसल्याने या जवानांना संशय आला. त्याची विचारपूस केली असता, त्याने आपण घरातून पळून आल्याचे सांगितले. मागाहून त्याला ताब्यात घेऊन पुढील कायदेशीर सोपस्कार पार पाडून त्या मुलाला अपना घरात ठेवण्यात आले.
कौटुंबिक वादातून पित्याने आपल्या मुलाविरुद्ध तसेच सुनेविरुद्ध मडगाव पोलिस स्थानकात मारहाण केल्याची तक्रार केली आहे. ही घटना मोडी-नावेली येथील शनि मंदिराजवळ घडली. मिळालेल्या माहितीनुसार, मोडी-नावेली येथील देवेंद्रकुमार प्रसाद यांच्या तक्रारीवरून मडगाव पोलिसांनी तक्रारदाराचा मुलगा सुनीलकुमार व त्याची पत्नी विनिता यांच्याविरुद्ध मारहाण केल्याप्रकरणी मडगाव पोलिस स्थानकात गुन्हा नोंद केला आहे. उपनिरीक्षक नीलेश शिरवईकर तपास करीत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.