बेती विठोबा रखुमाई देवस्थानतर्फे मंत्री रोहन खंवटे यांचा सत्कार

पणजी: बेती येथील विठोबा रखुमाई देवस्थानच्या वर्धापनदिनानिमित्त देवस्थान समितीतर्फे पर्यटनमंत्री रोहन खंवटे यांचा गणेशमूर्ती देऊन सत्कार करण्यात आला. खंवटे यांनी देवस्थानच्या महिला समितीच्या कार्याची प्रशंसा केली.

यावेळी देवस्थान समितीतर्फे अजय च्यारी, शैलेश गावस, विठ्ठल पवार, शाबी नाईक मिरसंगकर, प्रशांत सावंत, पुजारी गणपत हेगडे, शरदचंद्र नाईक, निशिकांत भोसले, नवनाथ पेडणेकर व रवींद्र गावकर यांचाही स्मृतिचिन्ह देऊन सत्कार करण्यात आला.

उत्सवानिमित्त घेण्यात आलेल्या रांगोळी स्पर्धेत 12 ते 14 वयोगटात ममता गावस, अक्षदा हळर्णकर व यिशिका पुरोदकर यांनी अनुक्रमे प्रथम, द्वितीय व तृतीय बक्षिसे प्राप्त केली. 15 वर्षांवरील गटात हरिश्‍चंद्र च्यारी, शोभा नाईक व रश्मिता नाईक यांनी अनुक्रमे पहिली तीन बक्षिसे पटकावली. फुलांची वेणी बनवण्याच्या स्पर्धेत प्रेमा हळर्णकर, भारती सुर्लीकर व प्रगती सुर्लीकर यांनी पहिले, दुसरे व तिसरे बक्षीस मिळाले. हार गुंफणे स्पर्धेत शोभा नाईक, श्‍वेता नाईक व वनिता नाईक यांनी प्रथम तीन क्रमांकाची बक्षिसे प्राप्त केली.

अखिल गोवा फुगडी स्पर्धेचे विजेतेपद रवळनाथ फुगडी ग्रुप, साल्वादोर द मुंद (किटला) यांनी पटकावले. खेडे-सावईवेरेच्या दत्तात्रय महिला मंडळाने दुसरे तर राष्ट्रोळी सिद्धीविनायक, जोसवाडो-सुकुर यांना तिसरे बक्षीस प्राप्त झाले.