Chimbel Junction : चिंबल जंक्शनवर उड्डाणपूल लवकर उभारा

Chimbel Junction : रायबंदर - चिंबल जंक्शनवर जीवघेणे अपघातांचे सत्र सुरू असून नागरिकांमध्ये प्रचंड आक्रोश आहे. जंक्शनवरील प्रस्तावित उड्डाणपुलाच्या बांधकामासाठी कामाचा आदेश देण्यात आला आहे. कंत्राटदाराला बोलवून उड्डाणपुलाचे काम लवकर पूर्ण करण्याची सूचना केली आहे, अशी माहिती सार्वजनिक बांधकाम मंत्री नीलेश काब्राल यांनी दिली. पणजी येथे ते पत्रकारांशी बोलत होते.

जंक्शनवर उतरण संपताच येथे वळण असल्याने वेगाने येणाऱ्या वाहनांमुळे अपघात घडत आहे. हे रोखण्यासाठी येथे सिग्नल, गती कमी करण्यासाठी उतरणीवर तीन ठिकाणी रंबलर्स घालण्यात आला आहेत. तरी देखील अपघात होत असून ही चिंतेची बाब आहे. हे वळण टाळण्यासाठी उड्डाणपूल प्रस्तावित केला होता. परंतु काही कारणात्सव हा प्रलंबित राहिला आहे.

उड्डाणपुलासाठी बांधण्यात आलेल्या खांबांच्या चाचणी, परीक्षणाचे काम सध्या कंत्राटदाराकडून केले जात आहे. बांधकामासाठी लागणारे लोखंडी साहित्य तयार करण्यासाठी येथे कारखाना टाकण्यासाठी जागेची आवश्‍यकता आहे, असे काब्राल यांनी सांगितले.