Alex Sequeira: मंत्री आलेक्स सिक्वेरा यांनी सुरू केले कामकाज

Alex Sequeira: खात्यांचे कामकाज समजून घेण्यासाठी काही दिवस द्यावे लागतील. त्यानंतरच माझा प्राधान्यक्रम काय असेल याविषयी बोलता येईल, असे नवनियुक्त पर्यावरणमंत्री आलेक्स सिक्वेरा यांनी आज पर्वरी येथे सांगितले.

मंत्रालयातील आपल्‍या कार्यालयात आज त्यांनी कामकाज सुरू केले. नव्या कोऱ्या गाडीतून मंत्रालयात त्यांचे आगमन झाले. ते म्हणाले, पर्यावरण खाते पूर्वी माझ्याकडे होते, पण त्यावेळी कायदे व नियम वेगळे होते. आता ते बदलले आहेत. त्याचा अभ्यास करावा लागेल.

इतर तीन खातीही माझ्यासाठी नवीन आहेत. त्यांचे कामकाज समजून घ्यावे लागेल. जनहिताला माझे प्राधान्य असणार हे स्पष्ट असले तरी कोणत्या गोष्टी प्राधान्याने करणार हे आत्ताच सांगू शकत नाही. कारण मला आधी कामकाज समजून घ्यावे लागेल.