गोवा पोलिसांच्या गुन्हे अन्वेषण शाखेने फातोर्डा येथे छापा टाकत एका 34 वर्षीय महिलेला आठ लाखांच्या अमली पदार्थासह अटक केली असल्याची माहिती समोर आली आहे. संशयित आरोपी फातोर्डा येथे अमली पदार्थासह विक्रीकरता आली असता पोलिसांनी छापा टाकत कारवाई केली.
(Minakshi Kholkar arrested with drugs worth Rs 8 lakh from Fatorda )
मिळालेल्या माहितानुसार आज 22 ऑक्टोबर रोजी फातोर्डा येथे एक महिला अमली पदार्थ घेऊन विक्रीसाठी येणार असल्याची माहिती गोवा पोलिसांच्या गुन्हे अन्वेषण शाखेला मिळाली होती. यावरून पोलिसांनी सापळा रचत संशयित महिलेला ताब्यात घेत तपासणी केली असता तिच्याकडे 866 ग्रॅम चरस आणि 1.9 किलो गांजा आढळून आला. मिनाक्षी खोलकर असे अटक करण्यात आलेल्या महिलेचे नाव असून तिच्याकडून 3.28 लाखांची रोकड ही जप्त करण्यात आलेली आहे.
या कारवाईत महिलेकडून एकूण मुद्देमालासह 8 लाखांचे अमली पदार्थ जप्त करण्यात आले आहेत. यावेळी पोलिसांनी संशयित महिलेने आणखी कोणत्या गुन्ह्यात सहभाग घेतला आहे का? याचा तपास सुरु असल्याची माहिती दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
