Goa Michel Lobo|'काँग्रेस छोडो, भाजप जोडो'; भाजपमय मायकल लोबोंचा नवा नारा

काँग्रेसचे 8 आमदार भाजपमध्ये दाखल
Goa Congress MLA
Goa Congress MLADainik Gomantak

पणजी: पक्षांतर विरोधी तरतुदी टाळण्यासाठी आवश्यक असलेल्या आठ काँग्रेस आमदारांना एकत्र आणण्यात यश आले. सत्ताधारी भाजपमध्ये सामील होण्याच्या काही असंतुष्ट काँग्रेस आमदारांच्या प्रयत्नांना अखेर यश आले आहे. आठ काँग्रेस आमदारांनी पक्षातून फारकत घेत भाजप पक्षात दाखल झाले आहेत. यावर मायकल लोबों यांनी प्रतिक्रीया दिली असून, पंतप्रधान मोदी आणि मुख्यमंत्री प्रमोद सावंत यांचे हात बळकट करण्यासाठी आम्ही भाजपमध्ये प्रवेश केला आहे असे ते म्हणाले.

(Michael Lobo's reaction to the defection of eight Congress MLAs)

'काँग्रेस छोडो, भाजपा को जोडो' असा नारा देत माजी काँग्रेस आमदार मायकल लोबोंसह सात आमदार भाजपमध्ये दाखल झाले आहेत.

मायकेल लोबो, दिगंबर कामत, अलेक्सो सिक्वेरा, केदार नाईक, राजेश फळदेसाई, रुडॉल्फ फर्नांडिस, संकल्प आमोणकर आणि डेलिला लोबो या आठ काँग्रेस आमदारांनी आज सकाळी विधानसभा संकुलात भेट घेतली आणि काँग्रेस पक्षातून फारकत घेण्याचा निर्णय घेतला. त्यानंतर त्यांनी मुख्यमंत्री प्रमोद सावंत यांची त्यांच्या चेंबरमध्ये भेट घेतली आणि भारतीय जनता पक्षात प्रवेश करण्याची ऑफर दिली.

सभापती रमेश तवडकर गोव्याला रवाना

त्यांच्या भाजप प्रवेशाची औपचारिकता विधिमंडळ विभागाच्या सचिव कार्यालयात सुरू आहे. राष्ट्रीय राजधानीत असलेले सभापती रमेश तवडकर ताज्या राजकीय घडामोडी लक्षात घेऊन पुन्हा गोव्याला रवाना होत आहेत. 8 काँग्रेस आमदारांचा भाजप प्रवेश पूर्ण झाला असून, काँग्रेसकडे युरी आलेमाओ, अल्टॉन डिकॉस्टा आणि कार्लुस फेरेरा हे फक्त तीन आमदार उरतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com